واهني من نسل بدران ربع له … ما يضام الجار والجار بدراني لا بة تمشي على الحق والمله … جارهم من بينهم تقل سلطان لا بة في الكون ما تطري الذاله … كل واحد في اللقا يسبق الثاني ^١ لا تناخوا واعتزوا واجملوا سله … من وقف في دربهم راح همياني ^٢ آل زايد ذخرهم في اللقا كله … ولا تفرق بين عامر وودعاني بيرق واحد يسرون في ظله … من ربي نجد إلى ضلع نجران انشد التاريخ عن دقه وجله … للدواسر فعل في كل ميدان شيخنا صقر الجزيرة عضود له … مخلصين له على طول الأزمان ما يعرفون الخيانات والذله … يرخصون الروح من دون الأوطان كل ما قلته فالاخيار كفوٍ له … ومن سمعني قال ماهوب غلطان

---