قصيدة لشاعر عازمي ^١ قيلت هذه القصيدة على أثر نزوح العوازم من الكويت في عهد الشيخ/ سالم المبارك الصباح. يا نديبي على اللي زاهي دله ^٢ … ما يداني العصى من كف ركابه راكبه وصله يمِّ أبو عبد الله … لابة جعلهم للعزّ من لابه سلموا لي على سالم وربع له … عِدِّ ما هل وبل الغيث وانشابه من زِبنهم ^٣ زِبَنْ لو كان به خِلّه … يحتمونه ويفتكون مطلابه علمه ينشدك وبالخبر قل له … بخصه لين يعطي هرجتك جابه ليش يزعل علينا هالزّعل كله … يحسبنا نشيل الغيظ حرّابه من على رزه المبنى ^٤ إعيال له … ومن على عصر جابر ماكبينا ^٥ به يحسبٍ بعدنا بالحبل بغضٍ له … والله أنا أزرار الثوب للبابه بعدنا من عدو صار في ظلّه … كل يومٍ علينا توجف إركابه باعنا واشترى العدوان ربع له … واودعوا ديرته خلوٍ من أصحابه إن بغانا نجي عجلين بالسله … والمظاهير نوقِفْها على بابه. قصيدة للشاعر عجير بن زومان العازمي ^٦ يا راكب حمرا يشادي خبيه … خبيب ربدًا ^٧ شافت اللي جذاها إليا نزرها ما وراها تجيبه … وإن شاعها ما تلحق من قِفاها ياهيه يا ركَّاب وسق النجيبه ^٨ … إفهم ووصل كلمتي منتهاها

---