نظم الشاعر علي بن مشبب بن لِى آل الصقر هذه القصيدة في النصح والإرشاد: يا اللَّه يالي كل حي يساله … يا وامرٍ عبده على ما يريدي تفرج لمن عدى الجذيبة لحاله … بين الأوادم مير كنه وحيدي والقلب من بين الضلوع اجتواله … كنه بعرض مرهفات الحديدي أسباب وقتٍ عانده ما صفاله … لي قلت راح الهم دلى يزيدي من بعدها يبدأ العبيدي مقاله … أبيات شعر مثل عد المجيدي ^١ يا سيد الخفرات زاهي دلاله … يا عزوة اللي يطلمون الضديدي يا بنت قومٍ يكسبون الجماله … يوم الجهل يروون حد الوديدي وليا تعدى الخصم ما هم بحاله … يطوعون الشره لو هو عنيدي عندي نصيحة يا حلي الغزاله … نصيحةٍ من سمعها يستفيدي بعض الأوادم لا يغرك خياله … العوشزه ما هي تظل المديدي واللاش لا يعجبك كثرة حلاله … الريش فوق الحمراء ما يفيدي لو هي كثيرٍ في المصارف رياله … ما هو بينفع في النهار الشديدي من ترك الماجوب مالك ماله … شومي لغيره يا شبيه الفريدي شومي لقرمٍ كل ما جاء مجاله … بقاله والنعم هرجٍ وكيدي شهمٍ كريمٍ شيمته راس ماله … سعد الطروش اللي خطاهم بعيدي لما اقبلوا رحب بهم طاب فاله … يلقون في بيته مقام سعيدي أول قراهم طبخةٍ في دلاله … مع ثمر غرسٍ يقدم جديدي من بعدها يذبح منيحة عياله … وإن كان حصل جاء بدلها هريدي جزل ومن ناسٍ تحب الجزاله … لو هو فقيرٍ كنه راعي رصيدي سعد ابن عمه لي تعني وجاله … بكل مشكله برأي سديدي وصلاة ربي محمد منشي خياله … وعداد ما هب الهوى في الجريدي على النبي اللي ظهر بالعداله … شفيع الأمة في نهار الوعيدي

---