وإن كان جيت النضو يا زبن ماسوم … رد الخبر والنضو يا زبن خله جانا من الشايب مكاتيب وعلوم … حي الكتاب اللي لفا شحمة له الشايب اللي بنقل الكبر والزوم … يقرا الكتاب ولا يهاب المظله جزاه من عندي من الخيل حثلوم … مثل البرد من مزنة مستهله انا برمحي باول الخيل ملحوم … والا أنت رمحك عند سارة ^١ تشله أديت انا اربع قحص والخامس التوم … وقعود زبن اللي بغي ما حصل له فأجابه الشيخ محمد بن هادي بقوله: حي الكتاب اللي به العفص مرشوم … حيه وحي اللي مشي حشمة له ساعة قريته شفت ما عفت مرسوم … رد النقا تركي وهو منحي له يا سابقي غاش عنيبه منك لوم … مثل الربيع اليا غشا نجد كله كدي على العتبان خمسة عشر يوم … قعدان والجمال حنا هل آله وإن كان رمحك بأول الخيل ملحوم … فانا برمحي حامي نجد كله من شافنا بالحلم يقعد من النوم … ومن شافنا بالعلم بطنه يهله عدونا لو جض ما هو مليوم … واللي وراه يجض من جضت له حريك اللي جانا نقلناه بسهوم … وتر حربنا لا جاك ما احتلت شله ما نشتحن للحرب والحرب مفهوم … ويا سعد منا باللقا فزعت له ما خلقت الدنيا ولا الناس في يوم … واللي تمني حربنا مضحي له وإن كان في نفسه فلا هوب مليوم … نعم الشوارب وافي الشبر كله متوسط ما بين عتبان وبقوم … واللَّه علم في دق سلكهـ وجله قال ضيف اللَّه بن تركي بن حميد العتيبي هذه القصيدة: يا ونتي ونة كسير الجباره … اليا وقف ما احتال وليا قعدن عليك يا شباب ضو المناره … عليك ترفات الصبايا ينوحن من مات عقب عبيد قلنا وداره … لا باكي عقبه ولا قايل من تبكيك صفر البسوها غياره … تبكيك يوم أن السبايا تعنن

---