وتبكيك وضح ربعت بالزباره … اليا قزن من خابع ما يردن الخيل عقب عبيد ما به نماره … وش عاد لو راحن وش عاد لو جن يا شيخ ما تامر عليهم بغاره … كود الجروح اللي على القلب يبرن يقطع صبي ما ينادي بشاره … الى اقبلن ذولي وذولاك قفن يا اهل الرمك كل يصف مهاره … والمنع ما نطريه لا هم ولا حن فأجابه شالح بن هدلان بقوله: ضيف اللَّه اشرب ما شربنا مراره … اصبر وكنك شالح يوم حزن راح الفديع اللي علينا خساره … واخذ قضاه عبيد حامي ثقلهن يمنى رمت به ما تجيبها الجباره … اللي رمت بعبيد في معتلجهن من نسل ابوي وضأري للشطاره … يصيب رمحه يوم الأرماح يخطن وعبيد خلي طايح بالمعاره … عليه عكفان المخالب يحومن وعاداتنا بالصيد ناخد خياره … ثلاثة الجذعان غصبن بلا من يا قاطع الحسنى ترى العلم شاره … لابد دورات الليالي يدورن حريبنا كنه رقيد الخباره … خطر عليه اليا توقظ من الجن ماني بقصاد بليا نماره … جدع نطيحي بالسهل وإن تلاقن من حبل دار الناس حلو دياره … لابد ما تسكن دياره ويغبن ومن شق تر الناس شقوا ستاره … ومن ضحك بالثرمان يضحك بلا سن وإن كان ضيف اللَّه يصف مهاره … فمهارنا من عصر نوح يطيعن تدنا لصبيان سواة النماره … شهب لماضين الفعايل يعنن نظم الشاعر صالح بن سلطان الكواري هذه القصيدة وبعثها إلى الشاعر عمير بن راشد العفيشة يشكو له من هموم الدنيا: باللَّه يا ركب على الضمر القود … شبه العياد المدبحات الحنايا اسداس ما لاجن على فقد مفرود … حيل على قطع الفيافي ضرايا ^١

---