وميزت ذا الدنيا بفهمي وفكرتي … على أن ما فيها من الخبر زايل ولا ينغبط فيها سوى طيب الذكر … ولا خير في مال ولا به جمايل ولو من ملك الأموال ادى حقوقها … ما ريت صعلوك على الأرض زابل ^١ فكان ايسر الصعلوك وامن من الفقر … وصاروا سوى في المرجله والفعايل ولكن في التجار من زاد فعله … بسمت ومركى له عليهم نفايل أما غني الدنيا لو كان معسر … هيف على دق الغنم والجلايل والا غني المال الي ضعف عزمه … غدا كالحصا ماله ولا له فضايل ولكن في ذا الوقت الانذال فضلوا … بالمال لو ما يفعلون المرايل ^٢ يصدق كثير المال لو كان كاذب … وقليل الثرى لو كان عدل فمايل يا ذا الملا ليت الاموال تسبا … من البخيل اللي عن الحق عايل ويرفد بها اللي يكرم الضيف لا لفى … واللي صبور في الوقوت المحايل هذا تمنيته ويا ليته استوى … حتى الردى يزداد غبن وفشايل وخلاف ذا دنيت عشر من النضا … خيار نظار وافيات الخصايل قد ربعن بارض الطوارين في العذا … ولهن مرتع بين النقا والقلايل ^٣ خذن في دقيق العشب تسعين ليله … لين استوى فوق المناكب ظلايل وصيعن وليعن بالمطاريش ونحلن … وصارن يديهن كالقنا بالمثايل فيا ركب مني حزة العصر وجهوا … على ضمر مثل الجريد النحايل نواحل بادن وبيدهن السرى … وبراهن مقاساة التعب في القوايل نحفهن صلفهن واستدقن لكنهن … شخاتيل صيف ضيعتها المخايل فلا كنهن لا درهمن غب سيرهن … خود تنافح زاهيات الحفايل ولكن وف عنوقهن بهضعانهن … غصون وهبتها نسيم الشمايل تريضوا يا ركب مقدار ساعه … ابرسل معاكم مكتب به رسايل إلى لفيتوا لي عمير بن راشد … سقم العدى حامي أعقاب السحايل ^٤

---