ولا تغبط الورقا إلى صف ريشها … بها يرجع القانص من الصيد فايل ولا يحقر الشامي إلى عدم ريشه … ولا ينطرح واجب شيوخ القبايل لا أكرمت ابن الاجواد معطيه حقه … ولا به تضيع المرجله والجمايل كلامي استشهاد لما قال صاحبي … صحيح كلامه فيه ما هو بعايل ألا يا الفتى الطيب لفتني شكايتك … وانا وانت شكوانا لمعطي الفضايل ما هو بلك سفهان لكن مقصدي … امور لها ماني بيا القرم نايل فانا مالي ألا وانت صبر على الدهر … ولا يصبر الاكل يابس بلايل ^١ كم الدهر غربل من الاجاويد قبلنا … عقب القراح اسقاه كاس الحثايل حالة عدوك واللَّه ماني بمادحه … زمان على باليم رز الشلايل ما اخبر لي مال به ابيع واشتري … ولا لي وكيل صوبه اندب حوايل ولاني بغواص يسير وينعطى … ولا لي عقارات ولا لي نخايل ولا لي مع البدوان ذود مودعه … ولا لي مع الشوان فرق عدايل ما يمدح الحاضر لمن كان ينتظر … زمان يصيد بخلته والد غايل ولو بامدحه بالكذب ما قيل صادق … وهرج بغير الصدق ما هو بضايل فلا تحسب ان ذمي لذا الوقت نيتي … ادور لجيلات الردى والكسايل لكن ارتجيك اليوم يا اخي تزورني … فلا هو بزين منك قطع الوصايل والى بلادك العسر فاقبل ونرفدك … من اللي عطانا اللَّه لو هو قلايل فواللَّه ما اذخر عنك لا من وصلتني … وحلال عليك بعز جعله تبايل ^٢ تمت وصلى اللَّه على سيد البشر … شفيع امته يوم اجتماع الحصايل هذه القصيدة للشاعر: سياف محسن القحطاني يسندها على الشاعر عبد اللَّه محمد النوشان: يقول منهو عالي الرجم عداه … يسوقه الهاجوس للرجم مجبور والناس تعاتبني على شأن مرقاه … ونقول هاوي حب والا انت مسحور قلت مالي هوى يكون خطوى المناجاه … مناجاة منهو بالتماثيل مخبور

---