ويقول حولت يوم البر ضاق ابنا … نهار لحقت ركاب القوم بضمودي لحقت بأهلها على أثر الكسب تتلبنا … هجنًا عليها القرط والجعّد السودي عبوًا تقدّم وعبوين تحف ابنا … وحنا عليهم نسوق المأ وبر كودي كن البرّد من حقوق المزن يرذبنا … دندن رعدها وشبّت الأرض بارودي ثم انثنبنا وعقّلنا ركايبنا … والعيب من هيج ولا قضب مردودي خُبرة حباب كفينا دون غايبنا … قطاعة ما نعد النقص والزودي ناطا الخطر كن ماشي بصايبنا … من خوفة يلحق الرجال منقودي وفي مجلب الروح ما نغلي جلايبنا … وما كتب للعبد في اللوح مرصودي فرض علينا تحدي من يعاتبنا … ومن لا يدوس الخطر ما يكسب القودي ترعى وسيمة عربنا في سبايبنا … يرتاب ليشافها الطماع ويحودي ونركب على اكوار طوعات تجول ابنا … جول القطاء يوم شاف العد ما رودي تجتال والقالة العليا مواربنا … وابليس ملعون والحساد ملدودي حنا حباب وعبد اللَّه مناسبنا … وقحطان أبونا المسمى مورثة هودي من عصر الأجداد وأنا ضد حاربنا … اللَّه خلقنا منية كل مقرودي وصلاة ربي عدد ما خط كاتبنا … على النبي محمد ما هب الهواء النودي وهذه قصيدة للشاعر محمد بن جروان العلياني: يا راكب اللي يرهج الجو حسها … ويهز سطح الأرض قو اشتغالها اسبق من البارود زوعه وفره … مثل السهم لا مر سرعة خيالها طيارة من صنع جرمل وردت … تشدي نزير رعود مزن خيالها تمشي وتلفي لي مقادم قبايلي … وخص قحطان باسمهم لاسوالها يلزمك من بين الحصاتين تنزل … جنوبي الدنيا والاخرى شمالها ارفع بصوتك وانخ فيه القبايل … تاتيك قوم تخلفك باجتهالها لا من لفوا من كل في وجانب … مثل الاسود الزايره باحتمالها نب العيال الطيبين بذكرهم … خص الشيوخ وعم باقي رجالها انخ الجحادر واثنهم بالنخوة … ازهم قبائلنا وصح في جالها تاتيك جبعان المحازم كنهم … سبل تحدر من فروع جبالها