يجدع يحوشة من كثير الغصيبي … ياما شبع من جايع في صحنها ياناشدن عني تراني بطيبي … عدي بوسط ربوعنا وخير منها عند السمون المدلهين الغريبي … أهل رباع يسأل الضيف عنها بَصْري الوضيحي في صفوق الجربا يادار يادار سكنا بك العام … يامسْقيي فموجي شعيبك مطر ديم عن مزنةٍ ترعد تْقل حس دمَّام … سَحَّاب نهَّاب البوارج من الغيم من حَدْ سيله العالي الجال هدَّام … تروى بها الرحال هي والمقاويم حيثك مقر للمجاهير واهْجام … سُحم الظُّهور مذورات المجاديم يشرك بخيره بالدهر كل معتام … ياقاه عن سبر العْداة المحاريم دار لاهلنا يوم خفَّات الأقدام … يوم البخت مِسْتجعد والهطل نيم خلَوّه زينين المحازم لابُو خام … واستجنبوا شروط الجوازي من الريم وقفُّوا طوال الزرق عُجلين اوهْمام … كهْلات بيضات الدروع المصانيم للزّمل قهار وللشيل عكَّام … شفاتها قراس العمد عقُب تظْليم يامحلا عقب العَشا صوت غنَّام … ترجح بها القطعان هُنف الخراطيم يتلُون شيخ وباقي الناس خُدَّام … يتلْون أخو رِفْعه مْربي اليانِم أسد هِش بديسة الزول ضرغام … مخالبهَ شلْفٍ تقص الزراديم صفوق اللي للطوابير هدام … نيحّف ظهور الهجن لوهن مراديم لولاه تاه وما عرف شغل الاروام … مصباحهم طوي عجل المهازيم ومن قصائد بصري الوضيحي وهو من الوضحان من سنجارة زوبع: ابغى اتمنّى كان هي بالتماني … صفرة صهاة اللون قُبّه صنيعي تسمع صريك حنْوكها بالعناني … ظريس هرشٍ هادييٍ لهْ قطيعي إبغى اليا لحق الطلب له غواني … والخيل معها مجولٍ والدريعي ثم اضربوا لعيون صاف الثماني … من المعرقة ياتيك للقاع ريعي قدّم ربعٍ مثل زمل الصخاني … اللي يخلُّون المخالف يطيعي أنا بلايا لابسين القطاني … حمر العيون وميثميّن الرضيعي من فوق قُبٍّ مكرمات شماني … يشْدن شياهين تخطف امريعي