حمله ثقيل حيل ماينجوي له … عليت يابليهان ريف الخطاطير له ربعةً دوم النشامى تجي له … تأتي مشاكيل لبيته مسايير حلايل قالات بفتل وحيله … ياثقلت القاله وصارت مشاوير ريف القصاير يوم نوش مكيله … ريف لربعه بالسنين المعاسير قصيرته ياغاب عنها حليله … مانهض طرفه يم بيته بتجير أمر عليه الحق واعجل رحيله … مرحوم يابو خالد زبون المخاسير بكن عليه منقضات الجديله … وبكوا على فقده رجال مشاهير قلته وأنا ماكنت راغب لقيله … أجبرتها وصخرت أنا القاف تصخير وقلته باللي درب الردى مايجي له … ما قلتها خدعه ولا هي بتزوير يا الله يامحيي الغياض المحيله … ويا عايده عكب المحل بالنواوير يا الله طلبتك يامنجي دخيله … تلطف لنامن عند لطفك بتدبير يا الله أنا طالبك بكل الوسيله … تغفر لمنيس وتجعله من أهل الخير تمت وصلوا عد ما سال سيله … على نبي الحق راعي التباشير صلوا على المختار راع الفضيله … اللي مقامه عند ربه بتقدير وهذه قصيدة التوبة لبصري الوضيحي عندما كُفَّ بصره فدعا الله أن يعيد إليه نظره: يا الله طلبتك طلبة لي امثابه … بجاه الرسول أتمها والبخت زين بجاه الرسول بجاه من ادُعى به … وبجاه حجاج على البيت عانين تجْلى بياض اصبي عيني ومابه … والصبح الشوف امطلعات الشياهين عقب العمى ننظر منازل حبابه … بصاف نجح الشوف لوهم بعيدين ونعمين من شيخ الشيوخ أخو تبله … حيد المحامل للثقيلات شايله متعب أبو سطام سداد غيبه … يالو زمان اليوم عدل ومايله معهم وصايا شايب شاخ قبلهم … بترحيبة للضيف وحتى انزايله وجاراتهم يقول مثل أمهاتهم … تنام جارتهم ولا حد يسايلله كبار العطايا ملحقين الونايا … يوم اللوازم حاميين تواليه وصلوا على سيد البرايا محمد … اللي عرفنَا ربنَا من رسايله