ومع غيرهم كني غريب جلاوي … وان جيت معهم خاطري ما يشينِ ذولا بني عمي وساع النحاوي … سبيع مروية الغلب والسنينِ لى جاء نهار فيه شهر العزاوي … ربعٍ مروية الغلب والسنينِ على مهار عرَّبت بالعلاوي … عرج لراعي التاليه ملحقينِ اقفوا وانا قلبي عليهم شفاوي … أهل السخا اللِّي يذبحون السمينِ لا قاصد شيء ولا لي دعاوي … مير إن قلبي للسبيعي يلينِ كان سعود بن سعد بن مزيد السُبيعي - من بني ثور - جالسًا في مجلس فيه رجال من قبائل شتى وفي هذه الأثناء قام كُلُ يعد أفعال جماعته وقصصهم، فقال سعود لهم: كل واحد منكم يقول قصة بشاهدها، فأسكت الجميع بذكره قصة أهل العشر من سبيع وأبياتها، وقصة وأبيات سلوم سُبيع وعدة قصص أخرى، ثم أكملها بقوله: أنا أحمد الله يومني من قبيله … مذكورةٍ بالطيب بين القبايل سيل المعزة حادر مع مسيله … منهم عيال العود والعز طايل سبيع بن عامر راعي الفضيله … جدي وأنا من سلسلته الفضايل من صعصعة من قيس عيلان جيله … وعدنان جدَّه يوم عد السلايل خلَّف رجال ينطحون الدبيله … عمر مَعَ عمير وعامر دلايل ومعمَّر الأول نزيل الطويله … وعياله اللِّي يفعلون الجمايل ^١ زكور يشيلون الحمول الثقيله … لي ثوَّر المثلوث حامي الدبايل ^٢ ومنَّا الأدغم والصييفي نفيله … وعجران منَّا كاسبين النفايل ^٣ وأهل الركايب كاسبين الجميله … ركابهم سلمت بضرب الفتايل ^٤ وجار المهادي ما قفه من حصيله … حصيلة الناموس واف الخصايل ^٥

---