ويقول مبارك بن شرثان آل ناصر: وقت العشي في عالي الرجم عديت … وذكّر على ما فات رجم الغرابيل وذكّر على بيت حلى منه ماريت … بيت على العمدان يضفى كماء الليل بيت يجوز بخائع القفر يا ليت … ينصاه ذربين على ظمرٍ حيل والبيت عنده من يرحب إلى جيت … وجهٍ يهلّى بالوجيه المقابيل ما فاد قوله ليت ياما تمنيت … كثر التماني والمناوي دهاويل يا زين شب الضو في ربعة البيت … وبرية تحمس وتذعر من الهيل عما يروان مرها الضيف ما قيت … يا جعل يارثها قليل المحاصيل يا اللَّه يا اللى تعلم الحي والميت … يا خالق المخلوق جيل وراء جيل اغفر خطاي وزلتي كان زليت … يا مالك انفوس عليها مواسيل وهذه قصيدة دخيل بن عبد اللَّه بن دعس العاصمي: عقب ما شيد السنافي عزيتلي … شد قرم للعرب سهل جنابه راعي دلال بها بن وهيلي … ولعويدي ذاعر والطيب جابه ان بغيت الصبر منه ما يجيلي … شايف قلب الخطا حل البلا به دمع عيني مثل وبل من فحيلي … مثل واد في الجبل سالت شعابه ليتني في البر لنوي بالرحيل … كان بازهب وباقشع طنابه غار ساس القيصر راس ما يزيلي … صبة له في حديد ويش جابه جعل ما نعتاض في ماجد بديلي … سعد ربعه والضعيف ليا لجابه جعل يفدى ساجد خاطي نجيلي … مرزقة لحريمته شيه هبابه لو حلاله واجد ما به حصيلي … جعل يشكي فوق الابهر من صوابه جعله اللَّه من صوابه يستزيلي … والردى يا جعله اللَّه ما غدا به للنبي صليت تالي ختم قيلي … للنبي محمد سيد الصحابه وهذه قصيدة راشد بن محمد بن رجوي: يا مسوي القهوة على صالي النار … عجل وسو الكيف للي يبونه وقدم لنازلين هيل ومسمار … وخله على المطلوب لا تحرقونه وقلط قدوع من لذيذات الأثمار … لمن تناصف بسرها يقطفونه