ونوب اهلهن يلحقونا مشامير … كم ساعة سووا علينا كتيفة نوب نهوش ونوب نقفي مدابير … وسوالفا ماهي عليكم طريفة قلت ياحمود منهو كرمك بالحواضير … وأعطاك من ميرة يقابل وظيفة وعطاك خلفة من شناق المغاتير … ومن الدراهم بالمزرف لفيفة قال اللي عطاني عارفة عطوة امير … فهمان ماطافة عليه المطيفة الطيب ما يأتي بليا مخاسير … ولا هو بخيلا واقفا له وقيفة قال اللي كما هداج من طلعتة بير … عدا قراح ولا يتقاطع غريفة الطيب عنده جمعة بالقناطير … ومن غير تله جاب تلا خطيفة هذا السديري من سلاطين بسدير … افكارهم ماتنتقايس عنيفة مظهر شجاع وظاهرا من مظاهير … من طاح بيده ماعلية الحسيفة كم واحد منه غدا طير ما يطير … كسر جناحينه وبطل رفيفة وكم واحد في دبرتة ناولة خير … خلى له الدرب المعجرف قطيفة الطيبين يحط فيهم مناشير … والرجل في مسعاه حظه حليفة وياحمود ماتعطوا حلي التواسير … انا اتمنى بنتكم لي رديفة ودي تجيب من العيال النوادير .... يظهر بطل مايسير لي نسر جيفة قال تريح وانت كلك عواثير … ومرقعة رجلك وفيها سنيفة وأعول عويل الخلج خلجا وهن ظير … على ولدهن ذابحينه بظيفة أنا كبرت عن البني الغنادير … والعمر راح ومابقى به نصيفة وقلت العوض بالله رب المقادير … وايست من بنت الشيوخ النظيفة وياحمود ماقصرت يامضيف الطير … وصلو على محمد ومن له خليفة