وين الطنايا؟ وين شرابة الهيل؟ … وين الحيود اللي تشيل الثقايل؟ ^١ وين السيوف اللي تعدل عن الميل؟ … وين الرماح اللي نحت كل عايل؟ ^٢ وين النشامى والعصاة المغاليل؟ … وجميع من ضربه نضيع الدلايل؟ ^٣ شرابهم صافي القراح الشهاليل … ومنزالهم غصب على كل طايل ^٤ غلبا! تري بلدانكم لبست النيل … تنخى الرجال امكرمات الأصايل ^٥ تنخى هل العاده كرام الأسابيل … يوم التغازي والدخن له صلايل ^٦ قلته وانا معكم على العدل والميل … لعل ما نعتاض عنكم بدايل تمت وصلوا عد وبل المخابيل … على نبي الحق ما زال زايل رظا بن طارف الشمَّري ^٧ وهو يجاوب صديق أرسل له رسالة يشتكي من بعد الأهل ومن بعد محبوبته وكان هذا الصديق اسمه رظا مثل اسم الشاعر المذكور يقول: حي الكلام الي لعاني بالاوراق … من واحد بيني وبينه صداقه ترحيبة القاع المحيلة ابراق … في نو مزن رب إلا إله ساقه وخلاف ذا يا راكب فوق مسباق … يسبق معاصير الهوا باصتفاقه اسرع من اللي لاول الجول لحاق … اصله رفيع وناجبه من عماقه يلفي لمن هيض غرامي والاشواق … اللي شكا بعد الاهل والرفاقه وفاراق غروا للمعاليق سراق … شرب الكدر عقب الطرب من فراقه ولا الوم في طرد الهوا كل عشاق … لو صار به عقب التفرق حماقه وعزي لمن عينه بها الدمع دفاق … حيثه على ما يجرح الروح اواقه ومن كنت العبرة بها خاطره ظاق … لا زادت العلة تزايد حراقه

---