حنا ربيع وشورنا بس مشوار … والسيف ما يقطع بليا شوابير ومشيك ضعيفن هو سبب جعف الاوثار … إلى صار ما بطرافهم شور مشير الى صار مانت لزايم الجمع قهار … تعزل كمينه عن شذا القوم وتغير والى صار ما من طيب الاشوار تختار … هوشن بقلن ما يجيبه مقاهير والقل ما يدي حسيبن الى ثار … والكثر تاكلبه قصار المناقير حنا ثمان وكسبنا جل وبكار … حمرن وصفرن وفاصلاته مغاتير جبناه ليلة رابعن حث الاوبار … شقحن كما الحيطان برص المياخير ولحقوا هللبل فوق عدلات الازوار … قبن تفاهق روسها كالخنازير قبلن بغونا طفحتن قبل الافكار … إلى ما جبرناهم على المنع تجبير حين التقينا إلى الدعيجات حضار … تطابقوا بخشوم هدف المناظير كم واحدن من ضربهم طاح ماثار … لجن عليه مخوتمات الدواوير وشمننا واقفوا مع الدو عبار … وحصلهن من صافي الملح تثبير والعنك يا حضن ربض عقب ماثار … فزيتله بالليل واصبح معيثير من عقب ماني للمناعير حبار … اليوم يا مشكاي للرجل مادير قلت ارشدوا حقي من الآخرة صار … أنحروا أهلكم يا حماة المضاهير قالوا علومك ما لها عندنا كار … هي نينك والا تقوله مصاخير أركب على الامتان عدك على حصار … أركب علينا واكفاك العواثير ركبت فوق اثنين واثنين حضار … وغدو لي أجوازن تقل حطحطة ظير من يوم يوحوني من الشيل حضار … دلوا يهجرون الخطى لي بتقصير متكيفن عدي على كور غبار … متمركين من فوق امتون المناعير حفاين بالقبض وجهيل وصغار … وشلون لو عقيلهم لي حواضير وبدقت لدم وجيههم كيف ما غار … تقل بداتن للمصنع مسايير مع سهلة العوجاء مطابيق وديار … تبت حيل مهاوزات البواكير ما يقطعه كود النضى تقل شنار … سباعن تخطف فوق مثل الشنانير خوالي اللي ما بهم صنع شبشار … زمل التخوت مسهلات الحدادير ومعهم هديب الشام نقال الاقطار … زودن على حمله يشيل القناطير واعرف الى جاد أول العش ما بار … لازم من التالي يجيله نوادير وأنا أحمد اللي زينه عقب ما صار … وضبه من الجمه على عالي البير