ابسيطه الياجاها من الوبل رعاد … تيماء وأهل الجوف لها يخيلون (٨٢) رزق لنا من الله ولي العباد … حضر وبدوان من رزقها يستمدون (٨٣) اسأل ولا تخفى عن الناس نشاد … من غيرنا اللي حماها يطبون (٨٤) وهالحين حنا بخير وانعام واسعاد … حكامنا بأمر الشريعة يعدلون (٨٥) تركي وفيصل لو يشوفون ما عاد … من بعدهم كيف الجزيرة وش لون (٨٦) عبد العزيز اللي جلا شوك الاكباد … ابن عبد الرحمن به يستعزون (٨٧) المؤسس الباني ومن له من احفاد … بالسيف طوّع كل عاصي ومفتون (٨٨) سعود بعد ابوه مسيرته قاد … العاهل اللي بالمكارم يحمدون (٨٩) وفيصل بعد سعود المخلص الجّاد … سياسته لها مناهج وقانون (٩٠) أسس لنا بحنكته بالتأكاد … خمسية في كل عام يزيدون (٩١) قفز لنا قفزة مهمة ومصعاد … إلى هالحين فيها بالمشاريع يمشون (٩٢) جزيرة خضراء تجدد تجداد … ريفية فيها العرب يستعزون (٩٣) الجامعات اللي نشت مالها اعداد … مناهج التعليم ما لون من لون (٩٤) وخالد بعد فيصل يصون الحما وذاد … نفذ على اللي بالمشاريع يبنون (٩٥) وفهد بعد خالد مشى ممشى الاشهاد … يمشي بدقة ينظر اللي يعملون (٩٦) مشيه مع التدقيق له شف ومراد … له اقتراح يضيف اللي يقولون (٩٧) حضارة بسرعة عمرانها زاد … واللي تولوها رجالا يجدون (٩٨) هذا بعد هذا وهذا له اسناد … بنيانهم بطاعة الله يشدون (٩٩) عيال من يقطع رهاربه الاجراد … له الرجال اللي يخيفون يتلون (١٠٠) راس الرجال الصيرمي باتعا حاد … . سبع الرجال اللي جنابه يهابوني (١٠١) ليا شاف حر مداليه الاضداد … طيور شلوى لياشهر ما يطيرون (١٠٢) بحماية الله عن كل حساد … العز جعل لهم حليف ومضمون (١٠٣) بجاه من جاهه له الغصن سجاد … بجاهه وجاه اللي له الحق يبدون (١٠٤)