يدخل بساتين بها ألوان وأشكال … انهور من كل الثمر يلتقى به يدخل بها اقصور حسينين الأعمال … ياقوت من نوع الزمرد عقبه وحواري الجنة حسينات الأمثال … له ماقف ما بينهن ما يهابه باللي قدم جاله من الحق مرسال … المسلمين الله يجبر صوابه تعيضنا يالله مثله بالأفعال … ملكٍ وفيٍ صالحًا من عقابه إلنا عوض اسعود موجود لازال … مفتاح نجد بالرخى واكترابه والنا العوض فيصل بالأعمال وأفعال … وله شاهدًا يوم انتقافًا ضبابه قود الجموع وخوضها حرب واقتال … وهز الجبال الراسية عن هضابه باسم فيصل للعسيرات حلال … عز لنا والسيف بيده انصابه أب عن جدهم مداهيل الأفعال … مثل البحر روس الجبال تغبابه غبة بحر يضرب بها وصف وأمثال … ياما سقم بيها وياما غدابه سور لنا عن حر شمس الضحى اضلال … هم ضونا أيضًا ليا أعطت غيابه حكام نجد اللي ليا قيل الأبطال … هم نورها هم عدلها هم خصابه قلته وانا بالقلب عبره ولوال … خلت بيبان الضماير خرابه ودمعي على من أسس المملكة سال … خلا حراره لين لنه زاد الجلابه حرر لأهله الدين والأمن والمال … مرحوم ماكنه بناها ومشى به الموت حق الموت ياللي منه ذال … أخلص عمل دنياك واحسب حسابه غرارة دنياك حطه على البال … والآخرة عطها حقوق الاجابه