البارحة ساهرٍ ما قلبي بسالي … سبّة هجوسي قزاء نومي وغفواته أقولها يوم شفت الوقت ميالي … على النشامى وانا عانيت قسواته بعض العرب شايفة في وقتنا الحالي … يخادع الناس بكذابه وحيلاته لا عاش من قام يمشي بالتحيالي … ما يدري أن الزمان عجل بدوراته ما عاد ينظر يكون لصاحب المالي … يعطى ويحشم على حشمة ريالاته حتى ولو كان هو من الناس الأنذالي … يمدّحونه بعد كثرت رصيداته وأما السنافي عريب الجد والخالي … لو قل ماله ينقص في مقاماته والمدح يستاهله حلاّل فتّالي … اللي على الطيب بينّةٍ إشاراته وأفعالنا تنعرف من بين الأفعالي … نتعب على الطيب في شتى مجالاته ربعي حبابٍ إلى جاء حرب وقتالي … يا سعد منهم بني عمّه وفزعاته يوم العرب حربها برماح وسلالي … تاج الفخر والظفر نحمل وساماته