رتلت في عال المبادي مثايلٍ … من خاطرٍ طرب لها يوم قالها قدمت ما صمم ضميري وكونه … هواجيس بالي قدمت طرى لها وأنا هدف نفسي ورغبة ضميرها … سترٍ من أهل العرف ياجا مجالها وندري بمرضي الناس يا ناس جايد … ما كل ما يرضى ضميري رضا لها جلال لأمير الدار والشعب والوطن … وكل نفسٍ تنعرف من سؤالها من دون مأمورٍ وداعي … رجلي تعني للمحطه لحالها خدمة وطن حب ورغبة لديرتي … الديره اللي ما ندوّر بدالها ما أقول في بلدان الاجواد قصرةٍ … مير الكويت النا طويلٍ ظلالها بلادنا اللي عايشين على أرضها … واجدادنا في قبورهم حد رجالها كلا من اليا افتش عن أقصاه ينوجد … تثابيت تاريخ قليلٍ زلالها يا الله يا اللي ترتجي الناس رحمتك … يا اللي رجى رحمتك كلٍ يسألها يا مظهر الغرقان من غبة البحر … ومحيي انفوسٍ ما نوى الله زوالها جعل الخريف وبارق الصيف والشتاء … يسقي لنا دارٍ كبيرٍ جلالها يصير فيها زاهر العشب يشبهه … مثاني بساتين عدلها عدالها ويجني الزبيدي في صحاصح حزومها … دارٍ يا على الريف والعز فالها دارٍ اليا جالها غريب من العرب … من قل ما ياجد ابداره لجالها يلقى بها منزل وعز وكرامةٍ … ويوفي بعض من يطلبونه حلالها ما كان لاج بها يسمى من أهلها … أم حنونٍ ما تشتت عيالها ليكنها عذرٍ طموح عن الملا … ما كل من جاها يبيها ينالها دار الكويت اللي على العز سيست … في وقتها هذا وماضي ليالها يا علها بالفوز والعز تتصل … في جاه من ينشي سحايب خيالها وختمت قولي في صلاة على النبي … عد البحور وعد ما في زلالها