وان لولشن محشمات الملاثيم … والموت حثرب بالحناجر ضبيحه جينا من اقصانا سحاب مراديم … كل يذكّي حروته عن نطيحه يا زين دح قفوشنا له ترانيم … والعج واقف والفعايل صريحه كان المنايا سوقها ما بعد سيم … والخوف بَّرك بالقلوب الكسيحه حِنَّا زباينها عليَّ الملازيم … علمٍ يقرِّيه النصيح لنصيحه واللي بنى بيته نبيه إبراهيم … إنّا طريق المستميت لضريحه بني رشيدان عتَّم الجو تعتيم … ما للردى فينا ملامح وليحه اجسر من الرعَّاد واكرم من الديم … سمر الجباه أهل الوجيه الفليحه خوينا نقريه عزه وتحشيم .... دخيلنا دونه عن الموت صيحه يا بنت ما حِنَّا فقارا معاديم … لو ما سكنا بالقصور الفسيحه تجار لو حاشت يدينا ملاليم … من الغناه نفوسنا مستريحه ما نستضيق اليا لفونا معازيم … للضيف لو نذبح حدينا ذبيحه دايم يدينا للعطايا مواليم … لا خانت الفزعه وجيه كليحه طال القريض ومقبل الود ومقيم … والبال عيا طارقه لا يزيحه اقولها وابصم على القول تبصيم … والعلم بيِّن زايفه من صحيحه ما هو قصور بالحرار الصماصيم … كلٍ بدرب العز قد هب ريحه مدحي لربعي ما يذم الاكاريم … ولا يستشك الا خبيث الشريحه الحق واضح للرجال المفاهيم … والحقد يخرث بالنفوس القبيحه والشر من جيت (معزّي) ^١ وهو نيم … واليوم وحده والشريعه سميحه

---