يالعبدلي لا تكثر السوم بالغوج … لو كان طارينا الثمن كان بعناه شفي عليه بردة والغلب عوج … أن حل بنحور السبايا مثاراه هل مربة وان دبرت ركضها عوج … وان اقبلت شروي الحرار المغذاه وكم عندل تبكي على العم والزوج … تجر صوت غافي النوم قزاه وكم سابق نشري من المال بخروج … غدت بروس ارماحنا بالمثاراه أنا جنودي كثر جوج وماجوج … حربينا لو هو بعيد نصيناه حربينا ما يمرح الليل مفلوج … الناس قد ناموا وعينه مقزاه وعدونا لو قطب الخيل بسروج … لازم يخلي منزله لانصيناه فلما وصل الجواب إلى سلطان الشريف من أهالي الخرمة أجابه بهذه الأبيات: حي الكتاب اللي من الفخر ممزوج … حيه وحي اللي لفا به وعناه أهلا وسهلا به ولاهوب مهوج … حشمة لمن كزه ونرفا خطاياه جانا جواب معرب الجد معروج … ومعسكر لكن حنا فهمناه وش عاد لو عيا محمد الغوج … بخيل الطوالة واحد كنه إياه ومما قال تركي بن حميد في محمد بن هادي: يا زبن ولم فوق ما يطرد النوم … حراير يا زبن مثل الاهله ملفاك شيخ بالقسا بذبح الكوم … شيخ وشيخان القبايل تدله وإن كان جيت النضو يا زبن ماسوم … رد الخبر والنضو يا زبن خله جانا من الشايب مكاتيب وعلوم … حي الكتاب اللي لفا شحمة له الشايب اللي نقل الكبر والزوم … يقرا الكتاب ولا يهاب المظله جزاه من عندي من الخيل حثلوم … مثل البرد من مزنة مستهله أنا برمحي باول الخيل ملحوم … والا انت رمحك عند سارة ^١ تشله اديت انا اربع فحص والخامس التوم … وقعود زبن اللي بغى ما حصل له

---