له من الأبناء: ممدوح ومدلول وعلوش وغضبان وفهد وبندر، وغضبان بن عيطر الرمالي والد الشيخ طلال كان من أعلام القبيلة، وفيه أنشد الشعراء جل قصائدهم ونذكر منها: ١ - قصيدة عياده الأديب بن مكيمل حيث يمدحه: بديت بذكر اللي على الناس عالي … محيي الهشيم الباد من عقب الأياس خلاف ذا ياراكبا فوق مالي … حرٍ هميم من شفا الهجن ممراس يلفي لبيت الشيخ راعي الفعالي … يلفي لبيت يجمع العصر مجلاس ياخو ذليّل يابعيد المدالي … يامُودع العيرات للصبر علاس ياحايش الطولات يابن الرمالي … يامخلص القالات من عقب لولاس يامهدي الطوعات عقب الجفالي … والهجن يشكن الحفا عقب مرواس ويا قاهر الاجناب بزود الفعالي … وبا ما قطع عند الملازيم من راس ويا حلْ ضرب القفش وزوح السيالي … تلقى خطاة الهيس لحصوب نساس ومن عقبكم ياشيخ عزّي لحالي … عدّي ربيط شيوخ وان صار بحباس وهذه قصيدة أخرى بالشيخ غضبان بن رمال للشاعر الشمَّري الجهيلي: بديت بذكر الله على كلل مابدا … حيث ذكر الله بدا وابتدى به تمنّيت اولف ماطرى من مثايلي … بالشيخ غضبان بعيد المغيبه القوم لو أنه بعيد يدّوره … لو حال من دونه صحاصيح ريبه على صيعر صيفات الابكارّ المرمّلة … لاساج منه مبطنه مع حقيبه غضبان زيزوم المشاكيل كله … لابته لاروحت به شيب مستشيبه ياما غدت سرد السبايا بسبّته … شب وشيبان على كور شيبه كم عزبةٍ واخو دليّل يداوره … أنا أشهد أنه هو بداها وذيبه غضبان شعر الفضيليات ينخاوينتخي … غضبان زيزوم العيال العطيبه كبار المتون مدوحات الجفاشر … يطرد هفى ضيف الطعافى حليبه واعزّتي للي هله لاحقينه … عجزوا ولا صال الطلب يرتهي به يضرم اليا شاف الجنب مردفلّه … ويردى كما ترد الظوامي جليبه كم سابقٍ باطرافهن يذبحونه … اللي كما الهملول شفّت سبيبه يا أمير يازبن المخلى اليا جذا … عليك أبين حجّتي وادعّي به