ما هو سبب ميزة من شانها اغليتك … اشوف انا كل شيء فيك يغليني واليا كتبتك على شعري وغنيتك … لاجايبك لي ولا يحكم وديني وكل العوازل زعلهم ليش حبيتك … لي الشرف يوم تزعلهم وترضيني وله هذين البيتين يفخر بقبيلة شمَّر: أقوله وربعي شانهم بالحرب شان … أنا لابتي شمر تقابس مشاهيبه على عهدنا الأول ولا فيه واحد خان … نصون العهود وبصحة الصدق غفي به قصيدة ابن معتيق من الشملان يمدح الملك عبد العزيز آل سعود وبعض رواسي قبيلتي عنزة وشمَّر: لو أنت تخشى سطوة الحكم تنكيل … ما أسقطت واجب مرهبين القبائل شيخ العرب ماحده الجدي السهيل … عبد العزيز اللي مضى بالفعايل الصارم المهدي على دين جبريل … الحاكم المأمون وافي الخصايل شمس النهار ووضعه البدر بالليل … بحيله وحيلاته ورانا يحايل ستر العذارى لابسات الخلاخيل … هات الخواصر حاويات الجدايل جر وطلعه من ورا الشط والنيل … يغوص موجات البحر مايسايل نجد حموها ماعلهم مداخيل … بسيوف نقدي الي عن الدرب عايل سوالف الويلان ياطير ابابيل … خله لها ما أنت شريك لوايل ترعى بها الزرفات عصب بتذليل … مشعان وابن بكر ماهي همايل كان أنت من حرب قليل المحاصيل … اضرب عفور واقصد أولاد وايل تنحر اليديان خزامة الفيل … عاداتهم كسب الثنا والجمايل لهم على حمر الطوافي مواكيل … زمول تدنى للحمول الثقايل والقهوجي تلقاه عند المعاميل … ماكبة ماحط فوقه وكايل ذباحة للكوم والكنس الحيل … لاركبن جرد السنين الهايل الجار ما يركب يدور المكاييل … يعطون من غرس الطيايب نحايل واللا العواجيه اليا جاع الشبل … وحمى الطراد وفرعن الحلايل لهم على جمع المعادي تحاويل … وجدودهم حامين بيضا نثايل حكام تاكل ماتدور المواكيل … وتذكر عطاياهم سمان جلايل