اعدود ما يمضي بها القيض وتغور … ولاوردها الوارد وصدر ضماني ارض عذيه نبتها ورد وزهور … واكثر ثمرها المسك والزعفراني ياخوان حسنا مابك شك وقصور … انتم حمول الخيل حرز المكاني لاقام طابور يشاري لطابور … يشهد لكم تاريخكم ما خفاني يرز ببت الحرب والبندق أثور … والبيت يبني ما يبي علم ثاني بيت قديم طول الايام منصور … في ضلكم يا طيبين المعاني يبني بضل مطوعت كل مصطور … وانتم حماته في القسى واللياني يوم الحرايب والمغازي لها دور … تروون حد مرهفات السناني وافعالكم تعرف كما يعرف النور … تعرف وشفناها عيان بياني ويشهد لكم بالفعل يغياب وحضور … وانتم هل المعروف واهل الحساني والحمد لله ما تكلمت في زور … والزور جعله ما يقوله اللساني وقال الشاعر حمد المطبوخ من الكلبة هذه القصيدة في مدح الشيخ راكان خالد آل حثلين شيخ العجمان: يا هل الوانيت اللي مشيتوا مسيان … تريضوا بالله جملة ثواني خلوني ابدي ماطر الي وماباني … من هاجس في وسط صدري حداني وردو سلام: قاصد فيه راكان … راكان بن خالد عريب الجاني جتنا علومه من بعيدات الاوطان … وحقه بياض الوجه عند العواني شيخ يباشرهم ولا خاطره شان … في مجلس منصى لقاصي وداني في مجلس منصى لبدو وشيخان … فيه الدلال وسطها الزعفراني ومن عقبها افطاح حيل وخرفان … مقلطات في كبار الصواني وطيبة مورث من خوال وجدان … متعبينه طايلين اليماني أبوه خالد مشبع كل جيعان … وجده محمد قاطع صيرماني وسميه اللي راجح بكل ميزان … أبو فلاح مكمل المعاني تشهد له الاتراك في كل ميدان … ومن نجد تشهد له لساحل عماني والخال ماضي لاذكرنا كحيلان … تشهد له الا جناب عقب قحطاني ركن من اركان القبيلة بليهان … مواقف تبقى ولو كان فاني واليوم يا راكان ياذرب الايمان … علم الحيا والطيب للناس باني