وأنا على فاطر لي يوم تدوي بي … كنها من الصيد إلى ذارت وضيحيه جذوى الفخذ ما اعتبيت لها المشاعيبي … ومقطّب فوقها للكيفات نشميه وخرجٍ جديدٍ وكيفات تعاجيبي … وشديّد ما يدور الورك راعيه لا روحت بي مع خطوى اللهابيبي … العب لها لعب جهال هلاليه فإلى رفعت العصا والصوت يا شيبي … تدوي كما السبع في حزت معاديه خمسة عشر وجبة في الجو تدوي بي … تصبح وتمسي بي الفاطر خلاويه ما خايلت عينها نشر المعازيبي … يا محلا البيت تبنيه السنافيه ياللَّه بعقب الصلف قرمٍ يهلي بي … ما هو يحسب مخاسيره ولا شيّه قد حن على كيفة المشكل مواجيبي … الا كون من حاط للضيفان ماليه اللي إلى مرّته بيض المحاجيبي … راحت ورقابها بالدم ممليه فاطري دون أهلنا فرجة الذيبي … أما مسير الشهر ولا حراويه فاطري لا لويت الورك هجّى بي … هجّى هجبج القطا في يوم هيفيه يا جعل عظمش امجار من الأسابيبي … قد ذا الشهر ثالث وانت خلاويه موسّم فوق كتفش بالعراقيبي … والبشت يا فاطري نجحت ملاويه عقب الشحم غاربش كنه قرى الذيب … ومعذوش مستدق بالعمانيه من عقب الشمال قد حن مجانيبي … من دار هجر نبي (سنح) وحراويه اللَّه يثني عليكم يا معازيبي … ودياركم جعلها بالغيث ماليه غربت وابطيت في ديرة الأجانيبي … في دار (بو فيصل) ريف الخلاويه إن أقبلت فاطري لا هو بهلّي بي … وإن دبّرت قال: (يا مسعد النية) اللَّه عسى عارضه يبدي به الشيب … كم مجرمٍ زبّنه عامين وضحيه شيخٍ ومارث شيوخٍ ترذي النيب … أهل صحون تملى فى المعسريه له منزلٍ في البيان من القناتيب … زيزوم بدوٍ ولا ينوي لشاويه فإلى وعد لأهل عوج المصاليبي … كم قاد نمرا تشادي للتهاميه من صلب يام ميبسة المشاريبي … كم نشر قوم غدوا به من مضاميه يعطي ويهدي مرازيم الحنازيبي … ما ناشت يده فلا هو له بماليه يا من يودي سلامي يا مناديبي … صوب (المرضف) يودي هرجتي ليه واخوانه بعد اللي من ماكر الطيبي … ماكر حرار مداغيش نداويه